ТАТАР СТУДЕНТЛАРЫ ДИПЛОМ ЯКЛЫЙ!

Бүген Башкорт дәүләт университетының филология факультеты татар-рус бүлегендә студентларның чыгарылыш квалификация эшләрен яклау узды. Дәүләт комиссиясе каршында читтән торып укучы җиде кыз сынау тотты. Диплом эшләренең өчесе – әдәбият, дүртесе тел гыйлеме буенча язылган иде. Яклаучылар арасында “Тулпар” журналының даими авторы, яшь прозаик Рузанна КАЮМОВА (КАШАПОВА) да бар иде. Ул “Совет чорыннан соңгы татар прозасында постмодернизм” темасына үзенең беренче фәнни хезмәтен язган. Җитәкчесе – “Тулпар” журналының баш мөхәррир урынбасары, филология фәннәре кандидаты, доцент Илдус ФАЗЛЕТДИНОВ. Рузаннаның хезмәте иң яхшылардан дип табылды. Авторыбызны уңышы белән чын күңелдән тәбрик итәбез!