Янгыннарны очкычлар ачыклый

Башкортстан Республикасында янгын куркынычы сезоны башланганнан бирле 352 сәгатьлек 104 авиапатруль очышы уздырылган. Очышлар “Урманнарны саклау” федераль проектын гамәлгә ашыру нәтиҗәсендә мөмкин булган. Мондый мониторинг ярдәмендә 19 урман янгыны ачыкланган. Урман янгыннары авиациясе контролендә 4,1 млн гектар урман бар, бу төбәкнең гомуми урман фондының 72% ын тәшкил итә. Барлыгы 3,5 мең км озынлыктагы 30 авиапатруль маршруты билгеләнгән.

Гомумән, авиация мониторингы -- янгыннарны ачыклауның нәтиҗәле ысулларының берсе. Патруль янгын куркынычы классын һәм Рослесхозның космик дистанцион мониторингы мәгълүмати системасының метеорологик мәгълүматларын исәпкә алып оештырыла.