Юллар ялтырап ятар

Аскын районының Яугилде авылы янында юл ремонтлана.

Юллар ялтырап ятар

Башкортстанның Аскын авылы һәм Пермь крае чиге арасында урнашкан Яугилде -- Чуртан күле (Щучье Озеро) юл участогын реконструкцияләнә башланды. Эшләр “Хәвефсез сыйфатлы юллар” илкүләм проекты ярдәмендә башкарыла. Аскын муниципаль районы администрациясенә язгы һәм көзге пычраклыкта бу юлга кагылышлы бик күп мөрәҗәгатьләр килгән.

Юлда ремонт эшләре быелның апрель ахырында старт алган. Аларны тәмамлау вакыты июнь ахырына планлаштырыла.

Озынлыгы 3,5 км булган ике участокны тигезләп, вак таш-ком катнашмасыннан өслек түшәячәкләр.