Стәрлебашта балалар да спортчы!

Чара “Демография” гомумдәүләт проектының “Спорт – яшәү нормасы” федераль проекты кысаларында I сыйныф укучылары өчен оештырылды. Стәрлебаш авылының “Стерля” спорт-савыктыру комплексы мәйданчыгында балалар ГТО нормативларын тапшырды. Бәйгеләр комплексына йөгерү, урыннан сикерү, туп ыргыту, иелеп күтәрелү, пресс һәм отжимание керде. Балалар ярышларда теләп катнашты.

Фестиваль соңында алар һәммәсе дә медальләр белән бүләкләнде. Балаларның спорт нәтиҗәләре ГТО сайтындагы шәхси кабинетларына урнаштырылачак һәм аларга махсус значоклар тапшырылачак. Бу хакта Стәрлебаш районы хакимиятенең физик тәрбия, спорт һәм туризм комитеты рәисе Руслан Мурзин хәбәр итте.

Чыганак: Башкортстанның Стәрлебаш районы хакимияте,  https://contenta.info/press_releases/471454#scroll