Кырмыскалы урамнары яктырак булачак

Кырмыскалы районының 11 торак пунктында яңа яктырткычлар пәйда булачак. Бу үзгәреш “Торак һәм шәһәр мохите” илкүләм проекты ярдәмендә тормышка ашырылачак.

 700дән артык урам яктырткычын диодлы яңа лампаларга алыштырачаклар,  диләр администрациядә. Подрядчы оешма яктырткычларны мөстәкыйль рәвештә һәм үз исәбенә алыштырачак, әмма бер шарт белән --  экономияләнгән акчаны урындагы оешмаларга тапшырачак.

Шул ук вакытта компания  системалы хезмәт күрсәтүне үз өстенә ала, ягъни сафтан чыккан яктырткычларны үзе алыштырырга җыена.