Авыргазыда – футбол!

Авыргазы районының Толбазы авылында 2012-2013 елгы малайлар арасында мини-футбол буенча районара бәйге узды. Анда Гафури районының “Стартап” үсмерләр командасы да катнашты. Чара «Демография» гомумдәүләт проектының «Спорт – яшәү нормасы» төбәк проекты буенча оештырылды.

 Барлык футболчылар да бәйгегә яхшы әзерлекләрен күрсәттеләр. Һәр уен дулкынландыргыч булды. Гафури районы футболчылары үз осталыкларын, матур эмоциональ уен күрсәтеп, өченче урынга лаек булды.

"Стартап" балалар-яшүсмерләр футбол клубы тренеры Антон Штадлер билгеләвенчә, хәзер команда яңа уеннарга әзерләнә һәм җиңүләр көтә.

Чыганак: Башкортстанның Гафури районы хакимияте, https://contenta.info/press_releases/413957#scroll