Кәкребашта информатика кабинеты яңарган

Туймазы районының Кәкребаш авылы мәктәбендә заманча җиһазлар белән тәэмин ителгән информатика кабинеты барлыкка килде. Ул «Мәгариф» гомумдәүләт проекты ярдәмендә ачылды.  Республикада инициативалы бюджет проектлары конкурсында катнашып, 5-10 нчы сыйныф укучылары, мәктәп кабинетын техник җиһазлау буенча “ИнфоSity” проектына тавыш биргән.

"ИнфоSity" проектының төп идеясе -- мәгълүмати технологияләр кулланып дәресләр үткәрү һәм интернетка чыгу мөмкинлеге булган мәгълүматлаштыру кабинетын модернизацияләү. Кабинетны заманча уку җиһазлары -- интерактив такта, проектор, ноутбук белән җиһазландырганнар. Хәзер анда информатика буенча гына түгел, инглиз теле, математика буенча да дәресләр үткәрергә мөмкин.