Марина ЦВЕТАЕВА – Караиделлеләр күңелендә

Кичә Караидел үзәк район үрнәк китапханәсендә күренекле рус шагыйрәсенең истәлегенә багышланган әдәби чара үтте.

Рус поэзиясенең Көмеш гасырына караган шагыйрә, прозаик һәм драматург Марина Ивановна Цветаева иҗаты хакында күпсанлы фәнни-тикшеренү хезмәтләре, истәлекләр язылган. Аның фаҗигале язмышы, әсәрләренең язылу тарихы әлегә кадәр кызыксыну уята.

Чара барышында китапханәчеләр шагыйрәнең тормыш юлы турында бәян иттеләр, аның талант тамырлары, ата-анасы, гаилә тәрбиясе, беренче җыентыгының басылу тарихы, революциядән соң мөһаҗирлектәге тормышы, Русиягә кабат кайтуының сәбәпләре белән таныштырдылар.

“Мәдәният” гомумдәүләт проекты кысаларында үткәрелгән чара ахырында Марина Цветаеваның шигырьләре укып ишеттерелде, аның хакында видеофильм күрсәтелде.

Чыганак: Башкортстанның Караидел районы хакимияте, https://contenta.info/press_releases/328305