"Полимак"та җитештерү нәтиҗәле

Башкортстанның Геосинтетик материаллар җитештерү заводы "Хезмәт җитештерүчәнлеге" илкүләм проектында катнаша. Бу хакта республиканың Икътисадый үсеш һәм инвестицион сәясәт министрлыгы хәбәр итә. Тиешле килешүгә Премьер-министрның беренче урынбасары -- БР Икътисади үсеш һәм инвестицион сәясәт министры Рөстәм Моратов  кул куйган.

"Полимак" белән бергә бу илкүләм проектта Башкортстанның 140 предприятиесе катнаша. «Полимак» заводының исә геосинтетик материаллар җитештерүдә унөч еллык практик тәҗрибәсе бар.