Спорт корылмаларына алып баручы юллар ялтырап торачак

Башкортстанда “хәвефсез сыйфатлы юллар” дип аталган гомумдәүләт проекты ярдәмендә социаль әһәмияткә ия булган һәм спорт объектларына юллар яңартыла.

– Биредә яшәүчеләрнең стадионнарга һәм спорт мәктәпләренә уңайлы итеп барып җитү мөмкинлеге булырга тиеш, – дип билгеләп үтте Башкортстан Республикасының Транспорт һәм юл хуҗалыгы министры Александр Булушев.

Уфада быел мәктәпләр, балалар бакчалары һәм спорт корылмаларына алып бара торган 7 километрга якын юл участоклары төзекләндереләчәк. Габдулла Амантай, Гвардия, Завод, Кәрим Хәкимов, Кемерово, Суворов, Чернышевский урамнары һәм Россия тыкрыгында юл яңартылачак, дип хәбәр итте республика Транспорт министрлыгының матбугат хезмәте.

Стәрлетамакта илкүләм проект ярдәмендә быел Кочетов урамы буенча юл төзекләндереләчәк. Бу якында урнашкан “Содовик” спорткомплексында шөгыльләнүче спортчылар өчен аеруча мөһим.

2022 елда Башкортстанда “хәвефсез сыйфатлы юллар” проекты кысаларында 210 чакрымнан артык юл йөрү өлешен яңарту планлаштырыла, эшләр 102 объектта башкарылачак.

Әлеге эшләр Русия Президенты Владимир Путин башлангычында тормышка ашырыла.

Фото: gorobzor.ru