Агыйдел музеенда яңа зал

Агыйдел шәһәренең Үзәк китапханәсе каршындагы Тарихи-туган якны өйрәнү музеенда "Мәдәният" гомумдәүләт проекты ярдәмендә этнографик зал ачылды. Бу хакта шәһәр хакимиятенең мәдәният бүлеге хәбәр итә. Этнография залын булдыру башкорт халкының матди һәм рухи мирасын саклап калуга, өйрәнүгә һәм популярлаштыруга юнәлтелгән. Ачылышта “Ассоль” вокаль ансамбле башкаруында җырлар яңгырады. Чара кунаклары өчен шулай ук сабыннан чәчәкләр ясау буенча остаханә үткәрелде. Тантана музейга бүләк итүчеләрне бүләкләү һәм күзәтү экскурсиясе белән тәмамланды.