Караиделдә кафе ачылган

Башкортостан Республикасының Караидел районында яңа кафе-кулинария ачылган. Ул "Кече һәм урта эшкуарлык һәм шәхси эшкуарлыкка ярдәм" гомумдәүләт проекты ярдәмендә барлыкка килде. Бу хакта район хакимияте хәбәр итә.

Яңа форматтагы кафе элеккеге ашханә бинасында урнашкан. Анда былтыр  гомумдәүләт проекты кысаларында  реконструкция үткәрелгән һәм супермаркет ачылган булган. Кафе  30 урынга исәпләнгән, заманча банкет залы һәм пекарня бар. Биредә  анда яңа пешерелгән камыр ашлары сатып алырга мөмкин булачак.