ФАПлар Интернетка тоташып бетәчәк

Бу эш  "Сәламәтлек саклау" гомумдәүләт проекты ярдәмендә тормышка ашырылачак, дип хәбәр итә  Башкортстанның Сәламәтлек саклау министрлыгы. Бүгенге көндә Интернет челтәренә 1 802 фельдшер-акушерлык пункты тоташтырылган, ягъни барлык пунктларның 90%тан артыграгы. Быел бу процесс тәмамланырга тиеш. Республикада, нигездә, авыл халкы өстенлек итә, һәм телемедицина ерак территорияләрдә яшәүчеләргә файдалы булачак. Аерым алганда, авырулар өчен профильле белгечләрнең  онлайн-консультацияләренә мөмкинлек ачыла.