Яңавылда кышкы спорт сезоны ачык!

“Демография” гомумдәүләт проекты кысаларында Башкортстанның Яңавыл районында физик культура белән шөгыльләнү өчен барлык шартлар да тудырыла, массакүләм спорт төрләре үсеш ала. Узган ял көннәрендә район Сабантуе трассасында чаңгы эстафетасы буенча ярышлар узды. Шуның белән 2021-2022 елгы кышкы спорт сезоны рәсми рәвештә ачылды. Бәйгегә Яңавыл районы предприятиеләре, учреждениеләре һәм төрле оешмаларыннан 28 команда катнашты. Эстафетада тәҗрибәле чаңгычылар да, кышкы спорт төрләрен яратучылар да катнашты, аның дистанциясе 1 чакрым ара тәшкил итте. Ярышта катнашучыларны Яңавыл районы хакимияте башлыгы Илшат Әгъзам улы Вазигатов сәламләде. Хәзер халыкны яңа бәйге-ярышлар көтә. 25 гыйнварда “Орлёнок” чаңгы трассасында СССР спорт мастеры Илүс Дәүләтбаев призына Яңа ел чаңгы ярышлары узачак. Кышкы сезон ачык!

Чыганак: https://srk.nationalpriority.ru/press_releases/198461