Аскын районында яңа ФАП

"Сәламәтлек саклау" илкүләм проекты ярдәмендә Башкортстанның Аскын районында яңа фельдшер-акушерлык пункты ачыла. Медицина учреждениесе Кубияз авылында пәйда булачак.

"Бүгенгә әзерлек – 98 процент. Кайбер бизәкләү эшләре калды. Ачылу 10-15 декабрьгә планлаштырылган», – ди  Аскын үзәк хастаханәсе баш табибы Рафил Суфияров.

Кирпеч ФАП иске агач бина урында барлыкка килгән. Су белән тәэмин итү өчен яңа скважина борауланган. Болдыр аз хәрәкәтле гражданнар өчен пандуслар белән җиһазландырылган. Бүлмәнең эчке бизәлеше тәмамланды. Тиздән җиһазлар урнаштырачаклар.

Беренчел медицина-санитария ярдәме системасын үстерү – "Сәламәтлек саклау" гомумдәүләт проектының төп юнәлешләренең берсе. Ул фельдшер-акушерлык пунктларын һәм мобиль медицина комплексларын төзүне, шулай ук ел саен профилактик медицина тикшерүләрен оештыруны күздә тота. РФ Президенты Владимир Путин инициативасы белән башланган милли проектлар 2019 елда старт алды.

Чыганак: Национальныепроекты.рф.