Кирәкле объект

Уфада эре коммуналь объект – "Затон-Көнчыгыш" микрорайонындагы насос станциясеннән алып шәһәр канализация чистарту корылмалары мәйданчыгына кадәр канализация коллекторы төзелешенә керештеләр. Аның гомуми озынлыгы 27,6 километр тәшкил итәчәк. Объект яңа торак микрорайоннарда «Торак һәм шәһәр мохите» гомумдәүләт проектын төзүгә юнәлдерелгән «Стимул» программасын гамәлгә ашыру кысаларында төзелә. Эшләр ике сменада алып барыла. Хәзер мәйданчыкта 40 кеше эшли, шул исәптән бетончы-арматурщиклар, техника һәм мастерлар, 10 берәмлектән артык махсус техника җәлеп ителгән.