Зорге урамында яңа сквер

Уфада Р.Зорге урамындагы 44 нче йорт янында сквер төзелә. Ул "Торак һәм шәһәр мохите" милли проектының "Уңайлы шәһәр мохитен формалаштыру" төбәк проекты акчасына җиһазландырыла.

Скверны ачу 1 августка планлаштырылган. Бүгенге көндә каты өслек, кабельле юллар салу, яшелләндерү участокларын планировкалау бара. Эшчеләр мәйданчыкларны һәм юлларны каты өслек белән каплауга, яктырту баганаларын утыртуга, яшелләндерүгә һәм монтажлауга керешкән. Мэриянең матбугат хезмәте мәгълүматы буенча,  җәяүлеләр өчен сукмаклар, тротуарлар булачак, урналар, эскәмияләр урнаштырылачак, агач һәм куаклар утыртылачак.