Алия НӘБИУЛЛИНА. Сыерышбаш мәзәкләре. Карабодай урысча ничек була?

Сугыш алды елларында Фәридә апа (Хуҗина) белән әткәйнең (Йосыпов Мөхәммәтназиф) кәнсәләрдә эшләгән чаклары. Отчет вакыты килеп җитә. Фәридә апа “карабодай” сүзен урысчага тәрҗемә итә алмый икән.

– Назиф абый, син урысча яхшырак беләсең, карабодай аларча ничек була? Әткәй дә белми икән. Җитмәсә, “өч кырда” икәнен дә тәрҗемә итәргә кирәк. Тик яшь кеше алдында җавапсыз калу уңайсыз:

– Черная пшеница, дип яз. Ә янына “три кырлы” дип өстәп куй!

Иң кызыгы шунда: иртәгәсен “три кырлы” сүзе отчетка бернинди мөнәсәбәте булмаган ун яшьлек апама кушамат булып тагыла.

Фото: тузлукуш.рф