Яңа ел мәзәкләре

* * * 

Яңа ел табыны. Бер хатын икенчесеннән:

– Без 12 ел элек сезнең белән бергә Яңа елны каршылаган идек.

– Чынлапмы? Хәтерләмим.

– Мин дә  кеше йөзләрен хәтерләмим. Ләкин күлмәкләр хәтердә кала.

* * *

Яңа ел алдыннан кулларына дүрт пакет тотып өенә кайтып барган  бер хатын каршына эксгибионист килеп чыгып, плащын ачып җибәрә.

– Үәт хәерсез, йомырка алырга онытканмын ич, – дип куя хатын көрсенеп.

* * *

Яңа елга бер сәгать кала табиб өенә кайтып җитә. Күрә – раковинасы тыгылган. Сантехникка шалтырата:

– Килеп чистартып китегез әле.

– Сез нәрсә, акылдан шаштыгыз мәллә? Бер сәгатьтән Яңа ел җитә.

– Безнең турыда уйлап карагыз. Урамда яңгырмы, буранмы – авырулар янына ашыгабыз.

– Сез безнең табибмыни? Хәзер килеп җитәм.

Килә.

– Күрсәтегез, нинди проблемаларыгыз бар?

– Менә, раковина тыгылган, ә хәзер кунаклар килергә тиеш.

Сантехник игътибар белән раковинаны карый да ак порошок сибә:

– Бер атнадан яхшырмаса, шалтыратырсыз.

* * *

– Кыш бабай, Яңа елга зур янгын сүндерү машинасы телим!

– Ярар, – ди Кыш бабай һәм йортка ут төртеп чыгып китә.

* * *

– Әни, әни! Чыршы яна!

– Янмый, улым, ә балкый.

– Әни, әни! Тәрәзә пәрдәләре балкый!

Фото: tukay-museum.ru