* * *
Укытучы балаларга гыйбрәт сөйли:
– Бер малай тәртипсезләнгән, әти-әнисенең сүзен тыңламаган. Ходай аңа шуның өчен җәза биргән: ул сукырайган. Аннан поезд астына эләккән һәм ике аягын өздергән. Шуның белән аның газапланулары беткән дисезме? Юк! Аны армиягә алып киткәннәр!
* * *
Кулыннан бернинди эш килмәгән хатын-кыз фәхишәлек юлыннан китә.
Кулыннан бернинди эш килмәгән ир-ат каравылчы булып урнаша. .
– Ә нишләп?
– Чөнки бу ике һөнәрнең дә асылы йоклаган өчен акча алуга кайтып кала.
* * *
– Йөремсәк мәзәк сөйлимме?
– Йөремсәк? Ул ничек була? Сөйлә.
– Ә, юк.... Син сораштырган арада ул китеп тә барган.
* * *
Ир күршесе белән ачуланышканнан соң анысы моның өстеннән полициягә шикаять яза. Полиция тентү вакытында самогон аппараты таба. Суд ирне өч елга хөкем итә.
– Иптәш судья, мин бер тапкыр да самогон кумадым бит!
– Ләкин аппаратыгыз бар бит.
– Ул чакта мине көчләгән өчен дә хөкем итегез!
– Сез кемнедер көчләдегез дә мени?
– Юк, “аппарат” бар бит.
* * *
Җырчыларның һәм спортчыларның хезмәт хакына карыйсың да, мәктәптә иң мөһим дәресләр – физкультура һәм җыр дәресе икәнен аңлыйсың.
Фото: yablor.ru