Роберт МИҢНУЛЛИН. Озын сүзнең кыскасы...(2)

* * *

Илдә барган оптимизация күңелдә бернинди дә оптимизм уятмый.

* * *

Хатын-кызга бәрхет тә бәхет.

* * *

Без бөек халык түгел,

Без боек халык.

* * *

Хәерчеләр ачтан интегә,

Байлар аштан интегә...

* * *

Азып-тузып яшәмәдек,

Язып-сызып яшәдек!

* * *

– Телевизорны нигә “Зәңгәр экран” диләр?

– Экранны “зәңгәрләр” басып киткәнгә...

* * *

Яртылаш авырлы булып булмаса да, безнең күбебез – яртылаш урыс.

* * *

Әтисез үсеп була ул, әтисез туып булмый.

* * *

Язучы-шагыйрьләрнең берни дә язмаганнары талантлырак.

* * *

Яңалыкның начар бер ягы бар – ул тиз искерә.

* * *

Талантлы шагыйрьләр җитәрлек, талантлы укучылар аз.

Фото: kiziltan.ru