Марат КӘБИРОВ. Дип әйтте ди...

Үзең утырган ботакны кисү өчен иң шәп корал – үткен юмор хисе.

* * *

Тун тегәргә ким дигәндә, 5-10 хайван кирәк, ә тунны киеп йөрергә берәү дә җитә.

* * *

Якты киләчәк турында элек хыялланганнар, ә хәзер аны сагыналар.

* * *

Иң талантлы көтүче сарыкларны трибуна һәм микрофоннар ярдәмендә көтә.

* * *

Синең уңышың аның уңышсызлыгы түгел икәнен аңлаган кешене дус дип атарга мөмкин.

* * *

Яхшы хөкүмәт бүтәннәрне алдый, начары – үз халкын.

* * *

Бармагыңны теләсә кая тыкма, никах балдагына кабуың бар.

* * *

Тарихчылар үткәннәрне яулый.

Автор фотосы.