Раушан ХАҖИӘХМӘТОВ. QR-код. Шигырь

    Барган идем магазинга,

    Алам, диеп, тәмле торт.

    Сакчы мужик үткәрмәде:

    – Күрсәт, – диде, – QR-код.

    Абау, Аллам, ни галәмәт,

    Куркыштан очты бит кот!

    Битлек киеп йөрү җитми,

    Таптыралар QR-код.

    Киттем икенче кибеткә,

    Йөрәк тибә “тук” та “тук”.

    Ишеккә язу эленгән:

    “Кирәк, – диеп, – QR-код”.

    Автобуска утырам дип,

    Йөгерәм, сызлый бер бот.

    Кондуктор кыйнап чыгарды,

     – Күрсәт, – диеп, , – QR-код.

    Авыр заманда яшибез,

    Син үзеңне кыю тот.

    Гүргә кереп барганда да

    Сорарлармы QR-код?

Раушан ХАҖИӘХМӘТОВ.

Алексей МЕРИНОВ рәсеме, pikabu.ru