Уеннан уймак чыга

Җырчы Наҗия (үзе администратор) Дүртөйледә концерт куйганнан соң нигәдер үртәлеп директор бүлмәсенә килеп керә.

– Башкача шушы сәхнәгә аяк бассаммы! – ди ул, канәгатьсезлек белдереп. – Соңгысы булсын...

– Алай димәгез, Наҗия, Аллаһның “амин” дигән чагына туры килмәсен.

Директор башкача берни әйтә алмый, җырчы-администратор борылып чыгып китә.

Наҗияның чынлап та, Дүртөйле сәхнәсендә бу соңгы чыгышы булып чыга. Озакламый ул юл фаҗигасендә һәлак була.

Мөдәрис МӨСИФУЛЛИН,

Дүртөйле шәһәре.