Кабул булган юрау

Районыбыз тарихында беренче тапкыр, 1949 елда, БАССРның атказанган артисты исемен алган Дүртөйле колхоз-совхоз театры артисты, Әкәнәй авылы егете Хәниф агай Мусин хакында мәгълүматлар эзләп, башкалага барырга туры килде. Ул чакта кызы Рита апага 75 яшь иде.

– Әтием 70 яшендә: “Балалар!.. Мин әле 100 яшькә кадәр яшәячәкмен!” – дип барыбызны да шаккатырган иде.

– Шуннан?

– Теләге кабул булды. Туган көнендә 1993 елның 23 октябрендә төгәл 100 яшендә вафат булды.

  Мин телсез калдым. Була икән бит шундый хәлләр.

Мөдәрис МӨСИФУЛЛИН,

Дүртөйле шәһәре.