Гөлназ САЛИХОВА. Ферма җеннәре

Элекке ферма урынында бик күп коелар калган. Бу урында җен-пәриләр йөри, ди халык. Берзаман Әхмәдулла исемле абзый төнлә фермага печән урлашырга киткән. Ә яңа фермага иске ферма аша барырга кирәк. Капчыгына печән тутырып кайтып килгәндә, аңа бер ак чәчле, ак башлы бабай очраган. Әхмәдулла абзый курыккан. Бабай моның капчыгын алып коега салган да, акырып көлгән. Әхмәдулла абзый куркышыннан йөгереп качкан, артына әйләнеп караса, бу бабайның эзе дә юк, ди. Ә печән тулы капчыгы шул кое эчендә калган, ди.

Фото: meat-milk.ru