Мөдәрис МӨСИФУЛЛИН. Уйнап сөйләсәң дә, уйлап сөйлә. Булган хәл

Жырчы Наҗия (үзе администратор) Дүртөйледә концерт куйганнан соң нигәдер үртәлеп, директор бүлмәсенә килеп керә.

– Башкача шушы сәхнәгә аяк бассаммы! – ди ул, кәнәгатьсезлек белдереп. – Соңгысы булсын...

– Алай димәгез, Наҗия, Аллаһның “амин” дигән чагына туры килмәсен.

Директор башкача берни әйтә алмый, җырчы-администратор борылып чыгып китә.

Нажияның, чынлап та, Дүртөйле сәхнәсендә бу соңгы чыгышы булып чыга. Озакламый ул юл фаҗигасендә һәләк була.

Фотода: Мөдәрис МӨСИФУЛЛИН күренекле татар драматургы, язучысы, җәмәгать эшлеклесе Туфан ага МИҢНУЛЛИН белән. Чыганак: 43.face-base.online