Әнисен тәрәзәдән ыргыткан

39 яшьлек ир-ат 60 яшьлек әнисен Ходайбирдин урамындагы тулай торакның алтынчы катындагы тәрәзәдән ыргытуда гаепләнә.

Фаҗига 2025 елның 30 ноябрендә кич булган. Ул көнне улы белән әнисе бергә эчеп утырганнар. Ир-ат әнисеннән  социаль учреждениегә урнаштырылган ике баласына опека рәсмиләштерергә сораган. Үзара мыскыллаулар белән бәхәскә әйләнгән конфликт кабынып киткән. Нәтиҗәдә, ир-ат әнисен күтәреп алып, тәрәзәдән ыргыткан. Хатын-кыз алган җәрәхәтләрдән урында ук һәлак булган.

Тикшерү җинаятьнең ниятләнгән характерын раслый торган  дәлилләр туплаган. Ир-ат үз гаебен таныган. Эш судка тапшырылган.