Касыйм ЙОСЫПОВ. Сыерышбаш мәзәкләре. Автомобильнең көчен ничек үлчиләр?

Сугыштан соңгы елларда илне шаулаткан “Победа” җиңел автомобиленең чыккан гына заманы. Без җиденче класстагы чыгарылыш имтиханнарына хәзерләнәбез. Арабызда физиканы иң яхшы белгәне – Рәзит Ильясов. Аңа техника “жене” кагылган.

Берчак Рәзит безгә сорау куйды да җавапны үзе бирде:

– Малайлар, “Победа”ның көчен ничек үлчәгәннәр, беләсезме? Ул зур тизлек белән барганда, тәгәрмәче күчәреннән чыгып киткән дә, сашайка (ягъни, шоссе – К. Й.) буйлап 15 чакрым тәгәрәп барган. Шуның нигезендә аның көчен билгеләгәннәр.

Фото: тузлукуш.рф