+14 °С
Болытлы
Журналга язылу
Барлык яңалыклар
Дөнья бу
20 февраль , 17:22

Динозаврлар суык тиюдән юкка чыкканнар?

150 миллион ел элек динозаврларның үз ковиды, үз пандемиясе булган, дип фаразларга мөмкин.

Динозаврлар суык тиюдән юкка чыкканнар?
Динозаврлар суык тиюдән юкка чыкканнар?

Америка Кушма Штатларының Монтана штатында табылган динозавр сөлдәсен тикшергәннән соң, галимнәр сенсацион нәтиҗәгә килгәннәр: әлеге җан иясе үпкә авыруы аркасында юкка чыккан. Ягъни без “омикрон”нан интеккән кебек үк, ул туктаусыз ютәлләгән, аның башы авырткан, тамагы шешкән, борыныннан аккан һәм, ахырда, инфекция тын юллары аша үпкәсенә кадәр үк төшеп җитеп, кислород килүне туктаткан.

Әлеге динозавр моннан 150 миллион ел элек үк яшәгән. Үлгәндә, аңа 20 яшь чамасы булган. Галимнәр әлегә авыруның сәбәпчесен атый алмый. Ул бактерия дә, вирус та, аллергия тудыра торган гөмбәчек тә булырга мөмкин. Белгечләр фикеренчә, нәкъ әлеге инфекция динозаврларның юкка чыгуына китергән булуы ихтимал. Бу очракта 150 миллион ел элек динозаврларның үз ковиды, үз пандемиясе булган дип фаразларга гына кала. Юкка чыкмый ни, ул вакытта коронавируска каршы вакцина уйлап табылмаган була бит әле!

Фото: https://new-science.ru/

Динозаврлар суык тиюдән юкка чыкканнар?
Динозаврлар суык тиюдән юкка чыкканнар?
Автор:Илдус Фазлетдинов
Читайте нас в