+10 °С
Болытлы
Башкортстанның Күмертау шәһәрендә ритуаль хезмәтнең элекке хезмәткәре – 21 яшьлек егет хөкем ителәчәк. Ул көнләшү нәтиҗәсендә танышын үтергән, ә аннары мәетен чит кабергә яшергән. Бу хакта республиканың Тикшерү комитеты хәбәр итте. Җинаять агымдагы елның 11 май иртәсендә була. Гаепләнүче белән 25 яшьлек зыян күрүче арасында бер кызга була шау-шу куба. Үтерүче төрмәдә чакта монысы аның йөргән кызы белән хат алышкан булган – җәнҗал шуннан чыга. Алар яр буенда сугышкан җирдән суга егылып төшәләр. Ритуал хезмәтендә эшләүче көндәшен суга батырып үтерә һәм гәүдәсен зиратка алып барып яшь кабергә күмеп куя.
Тикшерү комитеты фотосы.