Чия вареньесы

1 стакан кайнап торган суга, 11 стакан чияне стаканлап, берәм-берәм салабыз да, 10 минут кайнатабыз.

Катнашма кайнап утырырга тиеш. Аннары 7 стакан песок салып, тагын 10 минут кайнатабыз.

Кайнатманы сүндерәбез дә, тагын 7 стакан песок салып яхшылап эреп беткәнче болгатабыз.

Вареньены суытырга алып куябыз, суынгач, тагын бер тапкыр кайнатып чыгарабыз.

Варенье куе, тәмле була. Чияләре дә куырылмый.

Ашларыгыз тәмле булсын!

Илдус ФАЗЛЕТДИНОВ фотосы.