Томат пастасын өйдә ясыйбыз!

КИРӘК БУЛАЧАК:

3 килограмм помидор;

600 грамм алма;

2-3 баш эре суган;

4-5 тырнак сарымсак;

шикәр комы, тоз, борыч, лавр яфрагы, укроп орлыклары һәм сабаклары, алма серкәсе.

ӘЗЕРЛӘҮ ТӘРТИБЕ:

Помидор, алма, суган, сарымсакны эре итеп турап, барысын бергә кайнатырга куябыз. 2 аш кашыгы шикәр комы, 1,5 аш кашыгы тоз, тәменчә борыч, лавр яфрагы, укроп өстәп, 1 сәгать буена кайнатабыз. Үзегез теләгән башка тәмләткечләрне дә өстәргә мөмкин. Әзер массаны, бераз суынгач, вак тишекле иләк аша төеп чыгарабыз. Шуңа 50-70 миллилитр алма серкәсе салып, масса өчтән бер өлешкә кимегәнче кайнатабыз. Соңыннан стерильләштерелгән банкаларга тутырабыз да, тимер капкачлар белән ябып куябыз. Бик куе һәм матур төстә килеп чыга.

Рецепт авторы: @sabirovalyaysan.

Чыганак: https://vk.com/tatarshlari.

Фото: vosadu-li-vogorode.ru.