Журналист булып эшлисеңме? Конкурста катнаш!

«СМИротворец» XVIII Бөтенрусия конкурсына эшләр кабул итү 20 сентябрьдә тәмамлана. Бу – милләтара һәм конфессияара мөнәсәбәтләр турында сөйләүчеләр өчен илнең төп конкурсы. Быел ул Россия халыклары бердәмлеге елы программасына керә.

Башкортстан өчен бу тема аеруча якын – республикада гасырлар дәвамында төрле халыклар һәм конфессияләр вәкилләре бергә яши, ә җирле журналистлар әлеге тема турында кызыклы итеп сөйли белүләрен күп тапкырлар раслады.

Быел конкурста җиде номинация каралган: «Телевидение», «Матбугат», «Интернет», «ЭТНОтавыш» (аудиоформатлар), «Балалар һәм яшьләр массакүләм мәгълүмат чаралары» һәм «Халыклар бердәмлеге». Блогерлар аерым бүләкләнә – алар өчен махсус «Блоглар» номинациясе булдырылган.

Конкурска 2025 елның 1 августыннан 2026 елның 1 августына кадәр басылып чыккан эшләр кабул ителә. Гаризаны concours.nazaccent.ru сайтында бирергә мөмкин.

Конкурсны Россия Федераль милли эшләр агентлыгы һәм Милләтара журналистика гильдиясе оештыра.

Җиңүчеләр ноябрь аенда Мәскәүдә игълан ителәчәк.

Фото: конкурсның оештыру комитеты

Чыганак: https://mgazeta.com/news/novosti/2026-09-15/zhurnalisty-i-blogery-bashkirii-mogut-podat-zayavku-na-konkurs-smirotvorets-4813552