Хатынын өйгә кертмәгән чаклары да булган

Лилия Муллагалиева гаилә серләрен блогер Олеся Леснаяга сөйләгән.

«Минем өйдән чыгып киткән чаклар да, Илсурның өй ишеген ябып куеп, өйгә кертмәгән чаклары да булды», - дип сөйләгән гаилә кризислары турында блогер Олеся Леснаяга җырчы. Олесяның «Нәрсә өчен?» - дип соравына ул: «Башы китеп алганда», – ди кыска гына. «Аннан кайта идем инде. Сыер да ашап туйгач кире кайта бит. Тик мин эзләнеп йөрмәдем, шунда ук кайттым», - дип тә шаярта ул.

20 ел яшәгәннән соң, бу пар мөнәсәбәтләрендә үзгәрешләр булган. «Хәзер инде үзем аны бикләп куя алам, читлеккә», – дип көлә җырчы.

Бу гаиләдә дүрт бала үсә - бер кыз, өч малай!

Шушы көннәрдә Илсур Лилиягә яңа машина алып биргән.

Фото: Лилия Муллагалиеваның шәхси архивыннан.

Текст: Резеда Вәлитова.