«На Рахате» фестивалендә кунаклар өчен палаткалы лагерь ачыла

Быел «На Рахате» фестиваленә килүчеләр бәйрәмнең үзәгендә тәүлек буе яшәп карау мөмкинлеге алачак. Уфадагы «Кашкадан» паркында фестиваль территориясендә махсус палаткалы шәһәрчек оештырыла. Бу шәһәр ыгы-зыгысыннан ераклашмыйча табигать кочагында ял итәргә һәм фестиваль атмосферасын тулысынча тоярга теләүчеләр өчен менә дигән мөмкинлек.

Кунакларны иртәнге мунча керүләре, файдалы осталык дәресләре, милли ризыклар белән танышу, кичке очрашулар һәм учак янында күңелле аралашу көтә. Шулай итеп, фестивальдә катнашучылар ике көн дәвамында бәйрәм рухыннан аерылмыйча ял итә алачак.

Палаткалы лагерь шәһәрдән вакытлыча читләшергә теләүчеләр, дуслар төркеме, шулай ук балалар белән килүче гаиләләр өчен дә уңайлы. Оештыручылар балаларның бары тик өлкәннәр белән генә урнаша алуын искәртә.

Фестивальдә катнашу өчен алдан теркәлү мәҗбүри. Лагерьда күршелек кагыйдәләрен һәм табигатькә сакчыл мөнәсәбәтне үтәү сорала. Ә үз палаткасы булмаганнар өчен махсус прокат хезмәте дә эшләячәк.

«На Рахате» мунча фестивале 25–26 июль көннәрендә Уфаның «Кашкадан» паркында узачак. Керү ирекле. Фестиваль җылылыкны, сәламәт ялны, тәмле ризыкларны һәм күңелле аралашуны яратучыларны бер мәйданга җыячак.