Уфада III Бөтенроссия балалар фольклориадасы старт ала

Бу көннәрдә Уфа бөтен Русиядән яшь талантларны җәлеп итү үзәгенә әверелә: 24 июньнән 26 июньгә кадәр Башкортстан башкаласында III Бөтенрусия балалар фольклориадасы уза. 

Фестивальнең тантаналы өлеше шәһәрнең төп мәйданчыкларында барачак. Бүген үк, 24 июньдә, ачылу көнендә, «Башкортстан» ДКЗ каршындагы мәйданда «Дуслык әйлән-бәйләне» узачак. Аннары милли костюмнар кигән катнашучыларның парады Ленин урамы буйлап Совет мәйданына кадәр узачак, анда ачылу тантанасы булачак. Аны илнең иң яхшы балалар коллективлары һәм махсус кунак Марина Девятова катнашында бәйрәм концерты дәвам итәчәк.

Шулай ук бүген республиканың Милли музеенда «VI Бөтендөнья фольклориадасы мирасы» күргәзмәсе ачылачак.

Фестивальнең икенче көнендә, 25 июньдә, концертлар «1 нче Май», «Дим», «Дулкын» шәһәр паркларында һәм Иван Якутов исемендәге паркта узачак. Кич белән Совет мәйданында төбәк коллективлары һәм AY YOLA төркеме катнашында концерт булачак. «Торатау» конгресс-холлында «Фольклор һәм балалар. Традицияләр аша бердәмлеккә» конференциясе уза.

Җомга көнне, 26 июньдә, Совет мәйданында  ябылу тантанасы һәм Zainetdin командасы катнашлыгында масштаблы этно-шоу планлаштырылган.

Исегезгә төшерәбез, Бөтенрусия балалар фольклориадасында катнашучылар — 10 яшьтән 18 яшькә кадәрге балалар, алар халык җырларын,  биюләрен,  музыка кораллары һәм традицион мәдәният-фольклор, йолалар һәм милли уеннар жанрларын тәкъдим итәчәк. Катнашучылар Русия Дәүләт халык иҗаты йорты үткәргән конкурс нәтиҗәләре буенча сайлап алынган.

Чарада Саха (Якутия) Республикасыннан алып Калининград өлкәсенә һәм Луганск Халык Республикасына кадәр, Башкортостан Республикасын да кертеп, үз төбәкләренең фольклор традицияләрен үстерүче 78 иҗат коллективы һәм 8 солист катнашачак.

Чыганак: Башинформ.