Төбәк Башлыгы Кырмыскалы икмәк комбинатында булды

Предприятие 2004 елдан бирле гамәлдә һәм тәүлегенә 10 тоннага кадәр икмәк-күмәч һәм кондитер әйберләре җитештерә. Ассортиментта 150 төрдән артык продукция бар. 17 икмәк ташучы аны Уфа, Стәрлетамак, Салават, Ишембай, Кармаскалы, Архангельск, Чишмә, Гафури районнары кибетләренә илтә.

Комбинат җитәкчесе Әлфирә Богданова билгеләп үткәнчә, производствоның үзенчәлеге булып колмактан табигый  ачыткыч һәм  кирпеч мич куллану тора. Кырмаскалы икмәге республика халкында зур ихтыяҗ белән файдалана  һәм районның брендлы продукциясе булып кала бирә.

2025 елда икмәк комбинатының фасады капиталь ремонтланган һәм түбәсе өлешчә ремонтланган. Икмәк ташучылар паркын яңартуга да зур игътибар бирелә. Гомумән алганда, соңгы елларда предприятиенең куәте һәм җитештерелә торган продукция күләме берничә тапкырга артты.

"Бик тәмле ипи, мин хәтта үзем белән бер-ике икмәк тә алырмын. Без элек авылларда пешергән кебек табигый икмәкне яратабыз. Афәрин, бу традицияләрне саклап калдык, - диде Радий Хәбиров. - Гомумән икмәк җитештерү - ул, мөгаен, бизнес кына түгел, ә үзенә күрә социаль хезмәт. Комбинатка ничек ярдәм итү турында уйлашырбыз".

Чыганак: Глава Республики Башкортостан.