Интернет аша машина алмакчы булган

Башкортстан буенча Эчке эшләр министрлыгының матбугат хезмәтендә хәбәр итүләренчә, алдау тарихы узган елның декабрендә башланган. Ир-ат популяр мессенджерларның берсендә автомобильләр сату турында белдерүләр бастырылган төркемгә кергән. "Белгечләр" чит илдән китереләсе машинага килешүне тулысынча рәсмиләштереп алырга тәкъдим иткән. Вариантларның берсе белән кызыксынып, зыян күрүче детальләр турында фикер алышу өчен ялган менеджер белән элемтәгә кергән.

Шартнамә төзегәннән соң уфалы сумманың бер өлешен күрсәтелгән счетка күчергән.

Тиздән гариза бирүче белән икенче белгеч элемтәгә кергән, ул машинаның таможняны уңышлы узуын һәм килешүне тәмамлау өчен тагын 800 мең сумнан артык акча күчерергә кирәклеген хәбәр иткән.

Зыян күрүче акча җибәрергә тырышып караган, әмма банкның хәвефсезлек хезмәте әлеге операцияне чикләгән.

Ир-ат үзенең алдау корбаны булуын аңлаган. Шуннан соң ул полициягә гариза белән мөрәҗәгать иткән, анда җинаять эше кузгатылган.

Чыганак: Башинформ.