Башкортстанда «Белем» җәмгыяте проектларында 70 меңгә якын кеше катнашкан

Республикада агарту эшен 150 лектор алып бара. Алар арасында махсус хәрби операция ветераннары, югары уку йортлары ректорлары, дәүләт хакимияте органнары вәкилләре, педагоглар һәм журналистлар бар. Актив катнашучылар рәтендә – Русия Федерациясе Иҗтимагый палатасы әгъзасы Рөстәм Нәбиев, «Ватанны саклаучылар» дәүләт фондының республика филиалы җитәкчесе Гөлнур Колһарина, шулай ук мәдәни мирас объектларын саклау буенча фәнни-производство үзәге директоры Данир Гайнуллин.

Укытучы Юлия Ломакина «Белем. Лектор» Бөтенрусия конкурсында җиңүче булды, ә табиб Ринат Сәгъдиев «Белем.Премия» беренче тантанасында иң яхшы агартучы дип танылды. Иң яхшы проект исеменә БСК үткәргән «Росхимның химия буенча Зур олимпиадасы» лаек булды. Елның төп вакыйгасы исә – «Белем белән Республика» агарту форумы, аның үзәк мәйданчыгы булып югары уку йортлары кампусының Геном үзәге чыгыш ясады.

– Төбәк хакимияте органнары һәм югары уку йортлары белән хезмәттәшлек нәтиҗәсендә, алдынгы белгечләр үз аудиториясе белән турыдан-туры аралашып, гомумрусия инициативалары җирле шартларда гамәлгә ашырыла торган уртак белем бирү мохите формалаша. Нәкъ менә шундый партнерлык лекторларга төп идеяләрне чараларда катнашкан һәр кешегә җиткерергә мөмкинлек бирә, – дип билгеләп үтте «Белем» җәмгыятенең Башкортстандагы филиалы директоры Айсылу Илембәтова.

Фото: «Белем» җәмгыяте.