Владимир Соловьев хезмәттәшлек тәҗрибәсен билгеләп үтте

Русия Журналистлар берлеге рәисе Владимир Соловьев, Башкортстан Башлыгының журналистика өлкәсендәге премиясе нәтиҗәләрен билгеләгәндә, республика җитәкчелеге һәм массакүләм мәгълүмат чаралары арасындагы хезмәттәшлекнең алдынгы тәҗрибәсен ассызыклады.

"Уфада еш булам,  Радий Фәрит улы Хәбиров бу премияне булдыру һәм нинди номинацияләр булачагы турында игълан иткән вакытта да булдым. Күптән түгел миңа Уфада Башкортстан Журналистлар берлеге съездында булырга туры килде, анда республика Башлыгы да катнашты. Чыгыш ясаганда, мин Радий Фәрит улына журналист җәмәгатьчелеге исеменнән массакүләм мәгълүмат чараларына, журналистларга гадел  мөнәсәбәте өчен зур рәхмәт әйттем. Чөнки Башкортстан  җитәкчелек һәм массакүләм мәгълүмат чаралары арасындагы мондый мөнәсәбәтләр буенча алдынгы".