Башкортстан Башлыгы Академиясендә милли-мәдәни берләшмәләр турында сөйләштеләр

10 декабрьдә, "Бөтендөнья башкорт корылтае: халык дипломатиясенә 30 ел – халыкара һәм төбәкара киңлектә иҗтимагый коммуникацияләр" халыкара фәнни-гамәли конференциясе алдыннан, Русиянең күпмилләтле халкының бердәмлеген саклауның актуаль мәсьәләләренә багышланган түгәрәк өстәл узды.

Чара Башкортстан Республикасы Башлыгы каршындагы Башкортстан дәүләт хезмәте һәм идарә академиясе тарафыннан оештырылды.

Түгәрәк өстәлнең темасы соңгы вакытта иҗтимагый-сәяси вәзгыятьне тотрыксызландыру омтылышларының активлашуына җавап буларак сайланды. Түгәрәк өстәлдә катнашучылар этноцентризмга мөрәҗәгать итүче һәм милләтара ызгыш-талаш тудыруга юнәлдерелгән төрле структуралар булуын билгеләп үттеләр. 

Дискуссиянең төп максаты тарихны фальсификацияләүгә каршы тору, тарихи дөреслекне яклау һәм традицион кыйммәтләрне яклауга бердәм якын килүне формалаштыру аша Русия халкының бердәмлеген ныгыту булды.

Түгәрәк өстәлнең модераторы булып "Бөтендөнья башкорт корылтае (Конгрессы)" халыкара иҗтимагый берләшмәләр союзы рәисе, Башкортстан Республикасы Фәннәр академиясенең әйдәп баручы фәнни хезмәткәре Юлдаш Мөхәммәт улы Йосыпов чыгыш ясады.

Чыганак: https://vk.com/wall-180953940_5395.