Гәзит-журналлар китап кибетендә бәйрәм итте

Русиядә 3-13 декабрь Бөтенрусия матбугатка язылу ункөнлеге үтә. Бу чорда гәзит-журналларга ташламалы бәядән язылырга мөмкин. Әлеге ункөнлек барышында 5 декабрь Уфаның Зәйнәб Биишева исемендәге фирма кибетендә  “Добрая подписка” дигән чара узды.
Чарада “Тулпар” журналына язылучылар да булды. Алар арасында  “Автоклад”   ширкәте җитәкчесе Дамир Ханов та бар иде. Ул гәзит-журналларны укуы уңаеннан “су урынына эчәм” дип шаяртты.
Чарада катнашучылар өчен махсус программа каралган иде. Язылучылар бүләкләр дә отты. Гәзит-журналлар үзләренең билгеләре булган бүләкләр дә тапшырды.
Чарада катнашучылар “Добрая подписка”ның матбугат белән кызыксындыру өчен файдалы булуын билгеләделәр. Интернет заманында да басма матбугатка урын булуын ассызыкладылар.
Чарада Матбугат агентлыгы җитәкчесе Максим Ульчев, Конституция советы рәисе Хәйдәр Вәлиев һәм башка билгеле шәхесләр  катнашты.