Ватаның турында сөйлә

“Дөньяга үз Ватаның турында сөйлә” халыкара конкурсының максаты – туган якка карата мәхәббәт һәм хөрмәт формалаштыру, Русиянең традицион кыйммәтләрен саклау, милләтара мөнәсәбәтләрне ныгыту һәм төрле илләрнең үсеп килүче буыннары арасында халыкара элемтәләрне үстерү. Катнашучылар үзләре өчен аеруча кызыклы вакыйгаларны, традицияләрне, Ватаннарының истәлекле урыннарын сайлап алалар һәм алар турында чит илдәге ватандашларына һәм яшьтәшләренә сөйлиләр. Конкурста өч номинация тәкъдим ителгән: текст – презентация, видеоролик, рәсем. Катнашу өчен чикләүләр юк, теләсә кайсы яшьтәге һәм дөньяның теләсә кайсы ноктасыннан теләүчеләр катнаша ала. Конкурста Русия халыклары йортының “Русия территориясендә яшәүче халыкларның гореф-гадәтләрен һәм мәдәниятен саклап калу һәм популярлаштыру өчен” дип аталган махсус номинациясе тәкъдим ителгән. Катнашучы конкурсның стандарт номинацияләренең берсен сайлап ала һәм милләтара тематикага эш тудыра.

Махсус номинациядә катнашучыларның яше – 11 яшьтән 21 яшькә кадәр. Барлык җиңүчеләр дә Мәскәүгә дәүләт һәм җәмәгать эшлеклеләре катнашында тантаналы бүләкләү тантанасына чакырыла. Эшләр 2025 елның 1 сентябреннән 2026 елның 1 апреленә кадәр кабул ителә.

Фото: Bashinform.ru