Стәрлетамактагы “Авангард” заводында шартлауда өч кеше һәлак булган

Һәлак булучылар барысы да хатын-кызлар. Алар арасында 23 яшьлек кыз да бар. Ике хатынның балалары калган.

“Предприятие тиешле ярдәм чараларын күрсәтәчәк, компенсация түләнәчәк. Һәлак булганнарның гаиләләренең кайгысын уртаклашам”, – дип белдерде Радий Хәбиров.

Әле биш кеше хастаханәдә ята. Аларны Уфага күчерәчәкләр. Икесенең хәле авыр, калганнарының – уртача авырлыкта. Әмма аларның тормышына куркыныч янамый.

“Предприятиегә килгәндә, әлегә тикшерү эшләре бара. Моның БПЛА һөҗүме булуы турында төрле фикерләр булды. Юк, бу – шартлау, аның сәбәпләрен хәзер криминалистлар ачыклый. Завод шактый иске, әмма ул мөһим дәүләт бурычын үти. Биредә зур күләмдә эш башкарасы бар, һәм без предприятиегә кирәкле подряд оешмаларын билгеләргә ярдәм итәргә әзер”, – диде Башкортстан Башлыгы.

Чыганак: https://www.bashinform.ru/