Хәтта рентген да ачыклый алмаган

Уфаның ашыгыч ярдәм хезмәте 17нче балалар хастаханәсенә сулыш алуы авырлашкан малайны китергәннәр. Үпкәгә ясалган рентген ниндидер тайпылышлар күрсәтмәсә дә, табиблар бронхоскопия үткәрергә карар кылган. Нәтиҗәдә, баланың уң үпкәсендә ят әйбер булуы ачыкланган.  Җиңелчә операция ярдәмендә үпкәдән ручка башын чыгарганнар.

Ручка башының үпкәгә ничек керүе билгеле түгел.

Оператив ярдәмнән  башка мондый ситуацияләр үпкәләр ялкынсынуына, лайлалы тышчаларның зарарлануына, буылуга да китерү ихтималлыгы булган.

Башкортстан Сәламәтлек саклау министрлыгының матбугат хезмәте сүзләренчә, малай стационар дәвалануга  чыгарылган.