Таҗикстан белән элемтәләр ныгый

Башкортстан бизнесы өчен халыкара хезмәттәшлекнең яңа мөмкинлекләре ачыла. Республика делегациясе Дүшәнбедә эшли башлый, дип язды  Радий Хәбиров социаль челтәрләрдәге үз постында.

"Таҗикстан бездә зур кызыксыну уята — коллегалар бик актив, уртак проектлар белән кызыксына, хезмәттәшлек буенча инде әзер тәкъдимнәр бар", — дип билгеләп үтте Башкортстан Башлыгы.

Бүген һәм иртәгә  Башкортстан делегациясе Русия Президенты Владимир Путин җитәкләгән Хөкүмәт делегациясе составында эшләячәк. Шулай ук Русия-Таҗикстан индустриаль паркын төзү турындагы килешүгә имза куелачак, аны имзалауда безнең республика делегациясе дә катнашачак.

Чыганак: Башинформ.