Уфада 3000нән артык укучы һәм студент «Труд крут» форумында катнашты

Алар нефть-газ сәнәгате, IT, медицина һәм промышленность өлкәсендәге 30дан артык предприятие вакансияләре белән танышты, Русия студент отрядларының эшчәнлеге һәм Русия буенча актуаль хезмәт проектлары турында белде. Яшьләр HR-белгечләреннән лекцияләр һәм эшлекле мәйданчыкларда уңышлы яшь профессионалларның чыгышларын тыңладылар. «PRO-квиз: Синең осталыгың эштә» дигән яшьләр квизы, трансформация һәм һөнәр сайлау уеннары, компетентлы спикерлар белән белем бирү интенсивларында катнаштылар.

Форумны оештыручылар Русия студент отрядларының Башкортстан төбәк бүлеге, Башкортстанның Гаилә, хезмәт һәм халыкны социаль яклау министрлыгы, Башкортстан Яшьләр сәясәте министрлыгы һәм Эшлекле белем бирү мәктәбе ярдәме белән чыкты.

Башкортстан студент отрядлары – Русия хезмәтчән яшьләренең иң зур хәрәкәте. 2015 елдан бирле республиканың студент отрядлары мәктәбен 50 меңнән артык кеше узган, алар беренче хезмәт тәҗрибәсе алган, лаеклы хезмәт хакы алган һәм илнең үсешенә зур өлеш керткән.

РСО хәрәкәтенә кушылырга, таләп ителгән эшче һөнәрләргә бушлай өйрәнергә һәм Россия белән генә чикләнмичә, чит илләрдәге зур проектларга эшкә урнашырга бик җиңел – трудкрут.com сайтында форманы тутырырга яки РСОның колл-центрына 8 800 770 0 117 номеры буенча шалтыратырга кирәк.

Чыганак: https://mgazeta.com/