Очучысыз аппаратлар — киләчәк технологиясе

Сколковода узган халыкара форумда республикада җитештерелгән пилотсыз очкычларны һәм двигательләрне иң яхшыларның берсе дип атадылар.

Башкортстан Башлыгы Радий Хәбиров фикеренчә, дроннарны гражданлык максатларында  куллануга юнәлеш бирергә вакыт. "МХО иртәме-соңмы тәмамланачак, ә пилотсыз очкычларның авыл хуҗалыгыннан алып коткару операцияләренә кадәр төрле өлкәләрдә потенциалы зур, — дип билгеләп үткән иде Башкортстан Республикасы башлыгы Радий Хәбиров. — Мин күп тапкырлар киләчәк — БПЛАларда, дип әйткән идем. Без аларның үсешенә актив өлеш кертәбез. Махсус хәрби операция барышында үзләрен бик нәтиҗәле күрсәтүче FPV-дроннар җитештерүне үзләштердек. Аларны үзебезнең сугышчыларга алгы сызыкка җибәрәбез.  Ватанны саклаучыларны да, соңыннан аларны  тыныч тормышта кулланачак кешеләрне дә дроннар белән идарә итәргә өйрәтәбез".

Чыганак: Башинформ.