Телефон аша урлыйлар

Узган тәүлектә Башкортстан кешеләре мошенникларга тагын 5 млн сумнан артык акча күчергән, дип хәбәр итә Башкортстан буенча Эчке эшләр министрлыгының матбугат хезмәте.

Зыян күрүчеләр арасында — 82 яшьлек уфалы ханым. Аңа билгесез кешеләр шылтыраткан һәм үзләрен «Госуслуги» порталы хезмәткәрләре, банк хезмәткәрләре һәм хокук саклау органнары хезмәткәрләре дип таныштырган. Абонент номерын тикшерү, ә алга таба мошенниклык гамәлләрен булдырмау сылтавы белән өлкән яшьтәге хатын-кыздан 2,1 млн сумга якын акчасын күчерттергәннәр. Шуларның 1,3 млн сумы — шәхси акчалары, калган акчалары — заем акчалары. Җинаять эше кузгатылган.

Яңавыл районында да шундый ук хәл булган. 43 яшьлек хатын-кыз мошенникларга 1,750 млн сум күчергән, шуларның 250 мең сумы гына шәхси тупланма булган, калган акчалар аның улыныкы. Шулай ук җинаять эше кузгатылган.

Чыганак: Башинформ.